საქართველოს ფინანსთა სამინისტროსა და ხობის მუნიციპალიტეტის მერიას შორის გაფორმდა ურთიერთთანამშრომლობის მემორანდუმი ფინანსების მართვის რეფორმის 2018-2021 წლების სტრატეგიის ფარგლებში, მუნიციპალიტეტის მიერ ფინანსების მართვის გაუმჯობესების ხელშეწყობაზე.
მემორანდუმს ხობის მუნიციპალიტეტის მერმა, გოჩა ქაჯაიამ და საქართველოს ფინანსთა მინისტრის მოადგილემ, გიორგი კაკაურიძემ მოაწერეს ხელი.
მემორანდუმით განსაზღვრული ამოცანებისა და პირობების შესრულების საფუძველზე, ხობის მუნიციპალიტეტი მიიღებს 2 მილიონი ლარის კაპიტალურ გრანტს
გრანტი მოხმარდება მუნიციპალიტეტის მიერ ფინანსების მართვის გაუმჯობესებას, კერძოდ, საშუალოვადიან დაგეგმვასა და ბიუჯეტირებას, ანგარიშგებასა და კონტროლს, ანგარიშვალდებულებასა და გამჭვირვალობას 2020-2023 წლებში.
25 დეკემბერს, მწერალთა სახლში ესეების კონკურსის გამარჯვებულთა დაჯილდოების ცერემონია გაიმართა.
კონკურსი დიდი ქართველი მწერლის, გურამ დოჩანაშვილის 80 წლის იუბილეს მიეძღვნა
კონკურსში საქართველოს საჯარო და კერძო სკოლების IX-XII კლასის მოსწავლეები მონაწილეობდნენ ჟიურიმ, რომელიც მწერალთა სახლის თანამშრომლებისგან შედგებოდა, შემოსული 500-ზე მეტი ნაშრომიდან 12 საუკეთესო შეარჩია. გაიცა სამი პრემია და ცხრა წამახალისებელი პრიზი
ესეების კონკურსის გამარჯვებულები არიან: I პრემია - თეა ჭელიძე, ნინოწმინდის მუნიციპალიტეტის სოფელ ორლოვკის საჯარო სკოლა II პრემია - გიგი მირზიაშვილი, მცხეთის N1 საჯარო სკოლა III პრემია - ანა შამათავა, ხობის მუნიციპალიტეტის საჯიჯაოს N1 საჯარო სკოლა
წამახალისებელი პრიზები (მაღაზიების „ალტა“ და „ბიბლუსი“ 100 ლარიანი ვაუჩერები) გადაეცა ყველა ფინალისტს.
ხობის მუნიციპალიტეტის ადმინისტრაციულ ერთეულებში „სოფლის მხარდაჭერის პროგრამით“ 776000 ლარის ღირებულების 60 ინფრასტრუქტურული პროექტი განხორციელდა.
გარემონტდა საბავშვო ბაღები, სპორტული მოედნები, ამოიწმინდა სანიაღვრე არხები, მოეწყო გარე განათება, სკვერები და ხიდბოგირები. აშენდა და გარემონტდა მოსაცდელები, შემოიღობა სასაფლაოები, ხოლო ბეტონის საფარი დაიგო სასოფლო გზებზე.
მოსახლეობამ პროექტები დასახლების კრებებსა და კონსულტაციებზე თვითონ შეარჩია.
