საქართველოს რეგიონული განვითარებისა და ინფრასტრუქტურის სამინისტროს წარმომადგენლები ხობის მუნიციპალიტეტის საჯარო სკოლებსა და სასოფლო ამბულატორიებში მიმდინარე სამშენებლო-სარეაბილიტაციო სამუშაოებს გაეცნენ. ხობის მუნიციპალიტეტს ზოგადსაგანმანათლებლო ინფრასტრუქტურის რეაბილიტაციისთვის საქართველოს მთავრობის 2019 წლის 8 თებერვლის N207 განკარგულებით 530 ათასი ლარი, ხოლო სამედიცინო დაწესებულებების აღდგენა-მშენებლობისთვის 2019 წლის 25 ივნისის N1476 განკარგულებით 406 302 ლარი გამოეყო. აღნიშნული თანხით ხორციელდება ქალაქ ხობში სსიპ „საგანგებო სიტუაციების კოორდინაციის და გადაუდებელი დახმარების ცენტრის“ შენობის მშენებლობა, ხამისკურის, ახალი ხიბულის, პირველი მაისის, ძველი ხიბულის, საჯიჯაოს საექიმო ამბულატორიების და 10 საჯარო სკოლაში ინფრასტრუქტურის რეაბილიტაცია.