ზუგდიდში, ასოციაცია „ათინათის“ ოფისში პროექტის „სამოქალაქო საზოგადოების განვითარების ინიციატივის“ ფარგლებში შექმნილი სამეგრელო-ზემო სვანეთის რეგიონული „ჰაბის“ პრეზენტაცია გაიმართა. ევროკავშირის მიერ დაფინანსებული პროექტი - "სამოქალაქო საზოგადოების განვითარების ინიციატივა" მიზნად ისახავს საქართველოში სამოქალაქო საზოგადოებისათვის არსებული გარემოს გაუმჯობესებას, ბენეფიციართა მიმართ მათი ანგარიშვალდებულების გაზრდასა და სხვა აქტორებთან კავშირების გაფართოებას. როექტის ფარგლებში, რომლის საერთო ბიუჯეტიც 5.07 მლნ ევროა (აქედან ევროკავშირის დაფინანსება 3.8 მლნ ევრო), განხორციელდება სხვადასხვა სახის 110-ზე მეტი ღონისძიება და გაიცემა 80-მდე გრანტი. ღონისძიებას საზოგადოებრივი ორგანიზაციების, მედიის, ბიზნესის და სამოქალაქო სექტორის წარმომადგენლებთან ერთად, ხობის მუნიციპალიტეტის მერიის თანამშრომლები ესწრებოდნენ.