3 ნოემბერს ხობის მუნიციპალიტეტის საბავშვო ბაღებში საშემოდგომო ღონისძიებები დაიწყო. ზეიმი დღეს ხობის N2 საბავშვო ბაღში ჩატარდა. ლამაზად ჩაცმული პატარა გოგო-ბიჭები სიმღერებით და ლექსებით იწონებდნენ თავს დამსწრე საზოგადოების წინაშე. ღონისძიებას ხობის მუნიციპალიტეტის გამგეობის და საკრებულოს წარმომადგენლები ესწრებოდნენ, რომლებმაც საბავშვო ბაღის აღმზრდელებს და აღსაზრდელებს მადლობა გადაუხადეს და წარმატებები უსურვეს.
სასკოლო სპორტული ოლიმპიადა 2018-ის მუნიციპალური თამაშები აქტიურად მიმდინარეობს ხობის მუნიციპალიტეტში. 4 ნოემბერს ქ. ხობში N 1 საჯარო სკოლის სპორტულ დარბაზში მუნიციპალიტეტის პირველობა კალათბურთში გაიმართა. საკმაოდ დაძაბული და საინტერესო თამაშების შემგომ, შედეგები ასე გამოიყურება: I ადგილი - ახალი ხიბულის N I საჯარო სკოლა II ადგილი - ახალისოფლის საჯარო სკოლა; III ადგილი - ხობის N1 საჯარო სკოლა. ახალი ხიბულის N I საჯარო სკოლა, მონაწილეობას მიიღებს სასკოლო სპორტული ოლიმპიადა 2018-ის რეგიონულ თამაშებში, რომელიც თებერვლის თვეში დაიწყება, საქართველოს ყველა რეგიონში. სასკოლო სპორტული ოლიმპიადა, საქართველოს ბავშვთა და სასკოლო სპორტის ეროვნული ფედერაციისა და ხობის მუნიციპალიტეტის გამგეობის ორგანიზებით ხორციელდება. ოლიმპიადა 2018-ში ჩართულია საქართველოს 1700-ზე მეტი სკოლის 100 000-მდე მოსწავლე.