ძვირფასო ახალგაზდებო, გილოცავთ სტუდენტობას. თქვენ გადადგით მნიშვნელოვანი ნაბიჯი, წარმატებით ჩააბარეთ ერთიანი ეროვნული გამოცდები და გახდით უმაღლესი სასწავლებლების სტუდენტები. განსაკუთრებით მინდა მივულოცო, ჩვენი მუნიციპალიტეტის ახალგაზრდებს, მშობლებს და პედაგოგებს.
სტუდენტობა ეს არის საუკეთესო პერიოდი განათლების მისაღებად. მე, ღრმად მწამს, თქვენი განათლებითა და შრომით მნიშვნელოვან წვლილს შეიტანთ ჩვენი ქვეყნის განვითარებაში.
სტუდენტებო, გისურვებთ წარმატებებს ცხოვრების ახალ გზაზე.
გამგებელი
გოჩა ქაჯაია
29 აგვისტოს, ხობის ცენტრალურ სტადიონზე, ტრაგიკულად დაღუპული ფეხბურთელის, ნუგზარ (ნუტი) ლემონჯავას სახელობის თასის გათამაშების ფინალური შეხვედრები გაიმართა. ფინალურ შეხვედრაში ხობის „კოლხეთის“ ნორჩმა ფეხბურთელებმა, ბათუმელი თანატოლები ანგარიშით 4-0 დაამარცხეს და მემორიალური ტურნირის გამარჯვებული გახდნენ. საპრიზო ადგილების მფლობელ გუნდებს და ინდივიდუალურ ნომინაციებში საუკეთესო მოთამაშეებად დასახელებულებს თასები და სიგელები გადაეცათ. საფეხბურთო ტურნირში ხობის „კოლხეთის“, ფოთის „კოლხეთის“,აბაშის „ზანას", ოზურგეთის „მგლების", ხონის, ბათუმის, ზუგდიდის და მარტვილის სასპორტო სკოლების 2006-2007 წლებში დაბადებული ფეხბურთელები მონაწილეობდნენ. ტურნირის ფინალურ მატჩს და დაჯილდოების ცერემონიას, საქართველოს პარლამენტის წევრი ირაკლი (დაჩი) ბერაია, ხობის მუნიციპალიტეტის გამგებელი გოჩა ქაჯაია, საკრებულოს თავმჯდომარე ედიშერ ჯობავა და ადგილობრივი თვითმმართველობის წარმომადგენლები ესწრებოდნენ. სპორტული ღონისძიება სამეგრელო-ზემო სვანეთის ფეხბურთის რეგიონული ფედერაციისა და ა(ა)იპ „საფეხბურთო კლუბ ხობის კოლხეთის“ ორგანიზებით განხორციელდა.