4 აგვისტოს, ხეთის ადმინისტრაციულ ერთეულში სტარტი აიღო 2008 წლის აგვისტოს ომის დროს დაღუპული რეზერვისტების: გოგა ჭითანავასა და ლევან ტურავას სახელობის თასის გათამაშებამ მინიფეხბურთში. ტურნირში თორსა-დღვაბის, ხამისკურის, ქ. ხობის და ხეთის ადმინისტრაციული ერთეულის სამი გუნდი მონაწილეობს. სპორტული შეჯიბრება ადგილობრივი თვითმმართველობის მხარდაჭერითა და ა(ა)იპ „საფეხბურთო კლუბ კოლხეთის“ ორგანიზებით ხორციელდება. ფინალური შეხვედრები და დაჯილდოება 8 აგვისტოს გოგა ჭითანავას სახელობის სტადიონზე გაიმართება.