ხობის მუნიციპალიტეტის მერია

ქალაქ ხობში შიდა გზების რეაბილიტაციის ახალი ეტაპი დაიწყო. პროექტის ფარგლებში ასფალტის საფარი დაიგება: ა. შანიძის, ტ. გრანელის, ი. ჭავჭავაძის, ზ. ფალიაშვილის და გუბაზ მეფის ქუჩებზე.

აკაკი შანიძის ქუჩაზე მიმდინარე სამუშაო ხობის მუნიციპალიტეტის გამგებელმა გოჩა ქაჯაიამ, გამგებლის პირველმა მოადგილემ ვარაზ გაბედავამ და გამგეობის ინფრასტრუქტურის, ურბანული განვითარებისა და არქიტექტურის სამსახურის უფროსმა ზაზა ბუკიამ დაათვალიერეს.

ინფრასტრუქტურულ პროექტს, რომლის ღირებულებაც 597 ათასი ლარია, ელექტრონულ ტენდერში გამარჯვებული კომპანია შპს „შარა-გზამშენი პირველი“ ახორციელებს. პროექტის შესაბამისად ასფალტის საფარი ჯამურად 2600 მეტრ მანძილზე დაიგება.

2013 წლიდან დღემდე ქალაქ ხობში 13 ქუჩის რეაბილიტაცია განხორციელდა.

6-7 ივნისს, რუსთავის ქიმიკოსთა სპორტულმა დარბაზმა, მსოფლიო ჩემპიონის თემო ყაზარაშვილის სახელობის რიგით XX საერთაშორისო ტურნირს უმასპინძლა.

შეჯიბრება ბერძნულ–რომაულ ჭიდაობაში ჭაბუკთა შორის ჭიდაობის მსოფლიო გაერთიანების „UWW“-ს ეგიდით გაიმართა, სადაც მონაწილეობა 8 ქვეყნის (რუსეთი, უნგრეთი, საბერძნეთი, ყაზახეთი, სომხეთი, აზერბაიჯანი, თურქეთი, და საქართველო) 150 სპორტსმენმა მიიღო.

საერთაშორისო ტურნირზე წარმატებით იასპარეზა საქართველოს ნაკრების წევრმა და ა(ა)იპ „ხობის მუნიციპალიტეტის კულტურულ-საგანმანათლებლო, საზოგადოებრივი ცენტრის“ სასპორტო სკოლის აღსაზრდელმა ირაკლი ნაკაშიამ, რომელიც 58 კილოგრამ წონით კატეგორიაში მეორე ადგილის მფლობელი გახდა.