ხობის მუნიციპალიტეტის გამგებელმა გოჩა ქაჯაიამ და საკრებულოს თავმჯდომარე ედიშერ ჯობავამ ქალაქ ხობში, კონსტანტინე გამსახურდიას ქუჩაზე, გზის სარეაბილიტაციო სამუშაო დაათვალიერეს. პროექტის ფარგლებში აღნიშნულ ქუჩაზე დაიგება ბეტონის საფარი, მოეწყობა მილხიდები, ეზოებში შესასვლელები და წყალსაწრეტი არხი. პროექტის სახელშეკრულებო ღირებულება 239 ათას ლარს შეადგენს და მას ელექტრონულ ტენდერში გამარჯვებული კომპანია შპს „შარა - გზამშენი პირველი“ ახორციელებს.
მიმდინარე წელს, ქალაქ ხობში, კ. გამასახურდიას ქუჩის გარდა, ექვსი ქუჩის კეთილმოწყობაა დაგეგმილი.