1 აპრილს, ხობის მუნიციპალიტეტში, სასკოლო სპორტული ოლიმპიადა დაიწყო. ოლიმპიადის პირველ დღეს, ექვსი საჯარო სკოლის მონაწილეობით, ფრენბურთში (ვაჟები) მუნიციპალიტეტის პირველობა გაიმართა. ტურნირის გამარჯვებული ძველი ხიბულის საჯარო სკოლის მოსწავლეები გახდნენ, რომლებმაც, ფინალურ შეხვედრაში ხეთელი თანატოლები დაამარცხეს.
მუნიციპალურ პირველობაზე გამარჯვებული სკოლის გუნდი, რეგიონალურ პირველობაზე მიიღებს მონაწილეობას.
სპორტული ოლიმპიადა, რომლის მიზანი საზოგადოებისა და განსაკუთრებით, მოსწავლე-ახალგაზრდობის სპორტში მასობრივად ჩაბმა და სასკოლო სპორტის განვითარების ხელშეწყობაა, საქართველოს სპორტისა და ახალგაზრდობის საქმეთა სამინისტროს, საქართველოს განათლებისა და მეცნიერების სამინისტროს, საქართველოს ეროვნული ოლიმპიური კომიტეტის, ბავშვთა და მოსწავლე-ახალგაზრდობის სპორტის ეროვნული ფედერაციის, ადგილობრივი თვითმმართველობის მხარდაჭერითა და ორგანიზებით ხორციელდება.
2 აპრილი, 1000 საათი -ფრენბურთი (გოგონები), ხობის N1 საჯარო სკოლა;
5 აპრილი, 1500 საათი -გეზრბენი (გოგონები, ვაჟები), ცენტრალური სტადიონი;
6 აპრილი, 1500 საათი -მაგიდის ჩოგბურთი (გოგონები, ვაჟები),ხობის N1 საჯარო სკოლა;
8-9 აპრილი, 1000 საათი, მინი-ფეხბურთი (ვაჟები), ნ. შენგელიას სახელობის სტადიონი;
11 აპრილი, 1500 საათი -კალათბურთი(გოგონები, ვაჟები), ხობის N1 საჯარო სკოლა;
22-23 აპრილი, 1000 საათი -მხიარული სტარტები, ხობის N1 საჯარო სკოლა.