ნოჯიხევის ადმინისტრაციულ ერთეულში წყლის სისტემის რეაბილიტაციის პროექტი ხორციელდება. მიმდინარე სამუშაო ხობის მუნიციპალიტეტის გამგებელმა გოჩა ქაჯაიამ და საკრებულოს თავმჯდომარე ედიშერ ჯობავამ დაათვალიერეს.
ნოჯიხევში, 350 მეტრ მანძილზე გამოიცვლება ამორტიზირებული მილები. სამუშაოს დასრულების შემდეგ აბონენტთა რაოდენობა გაიზრდება და მოსახლეობა წყალს ჩვეულ რეჟიმში მიიღებს.
სამუშაოს, საქართველოს გაერთიანებული წყალმომარაგების კომპანია ახორციელებს.
30 მარტს, ხობის მუნიციპალიტეტის პირველი მაისის სამონასტრო კომპლექსის ეზოში, „საზოგადოებრივი პროკურატურის" პროექტის ფარგლებში გამწვანების აქცია მოეწყო. ფოთის რაიონული პროკურატურის პროკურორმა ალექსანდრე კოდუამ, პირველი მაისის საჯარო სკოლის უფროსკლასელებთან ერთად მარადმწვანე ხის ნერგები დარგო.
პროექტის მიზანი, პროკურატურის, როგორც დანაშაულის აღმკვეთისა და პრევენციის განმახორციელებელი სამართალდამცავი ორგანოს საქმიანობის გამჭვირვალობის გაზრდა და სამართალდამცავი ორგანოების მიმართ საზოგადოების ნდობის ამაღლებაა.
ფოთის რაიონული პროკურატურა ხობის მუნიციპალიტეტში სხვადასხვა სახის ღონისძიებებს ეტაპობრივად განახორციელებს.
