19  დეკემბერს  ხობის მუნიციპალიტეტის გამგებელმა გოჩა ქაჯაიამ გამგებლის მოადგილეებთან ვარაზ გაბედავა და მახარე ჩოკორაიასთან ერთად,  თათბირი გამგეობის სხვადასხვა სამსახურის უფროსებთან და ადმინისტრაციულ ერთეულებში გამგებლის წარმომადგენლებთან გამართა.

   სამუშაო თათბირზე გამგებელმა მუნიციპალიტეტში არსებულ პრობლემებზე და მნიშვნელოვან საკითხებზე გაამახვილა ყურადღება.  სამსახურის უფროსემბა მიმდინარე და დაგეგმილ სამუშაო გრაფიკებზე ისაუბრეს.

    გამგებელმა დეტალურად გამოიკითხა ინფორმაცია  გამგებლის წარმომადგენლებისგან  სოფლებში არსებულ პრობლემებთან დაკავშირებით და თითოეულ მათგანს შესაბამისი დავალებები მისცა. 

16-17-18 დეკემბერს, ქალაქ თბილისში გაიმართა საქართველოს ეროვნული ჩემპიონატი WTF ტაიკვანდოში, სადაც მონაწილეობა მიიღო ა(ა)იპ „ხობის მუნიციპალიტეტის განათლების ცენტრის“ სასპორტო სკოლის ტაიკვანდოს ჯგუფის მოსწავლეებმა (მწვრთნელ-მასწავლებელი პ.ოჩიგავა).

ტურნირზე 41 კგ წონით კატეგორიაში პირველი ადგილი დაიკავა და საქართველოს ჩემპიონი გახდა განათლების ცენტრის სასპორტო სკოლის ტაიკვანდოს ჯგუფის მოსწავლე ქრისტინე ბუკია.

    ხობის მუნიციპალიტეტის გამგეობა ულოცავს ქრისტინეს გამარჯვებას და უსურვებს წარმატებებს.