ხობის მუნიციპალიტეტის გამგეობა ეხმიანება გაზეთ „ხობის მოამბეს“ გაუქმების შესახებ საზოგადოებასა და მედიასივრცეში გავრცელებულ მცდარ ინფორმაციას და განმარტავს, რომ უქმდება არა გაზეთი „ხობის მოამბე“, არამედ შპს „ხობის მოამბე“, ხოლო გაზეთს ადგილობრივი ხელისუფლება ინარჩუნებს.
შპს „ხობის მოამბე“ დაფუძნებული იყო სამეწარმეო სუბიექტის სამართლებრივი ფორმით, რამაც წლების განმავლობაში ვერ გაამართლა. მისი ეკონომიკური საქმიანობის შესახებ არაერთგზის იქნა შენიშვნებიც გამოთქმული.
აღნიშნული გადაწყვეტილება, სწორედ ამ პრობლემის მოსაგვარებლად იქნა მიღებული და გაზეთი თავის საქმიანობას გააგრძალებს არასამეწარმეო (არაკომერციული) იურიდიული პირის შემადგენლობაში.