1 ნოემბერს, 15: 00 საათზე, მოსწავლე-ახალგაზრდობის სახლში გაიმართება ხობის მუნიციპალიტეტის გამგებლის ანგარიშის მოსმენა, 2016 წელს გაწეული მუშაობის შესახებ.
31 ოქტომბერს მუნიციპალიტეტის ადმინისტრაციულ ერთეულებში საექიმო ამბულატორიებისათვის ც ჰეპატიტის სკრინინგული კვლევების შესახებ ტრენინგი ჩატარდა. ტრენინგის შემდეგ, გადამზადებულმა სოფლის ექიმებმა ლ. საყვარელიძის სახელობის დაავადებათა კონტროლისა და საზოგადოებრივი ჯანმრთელობის ეროვნული ცენტრის სამეგრელო-ზემო სვანეთის განყოფილების სპეციალისტებთან ერთად მოსახლეობის სკრინინგული კვლევა ც ჰეპატიტზე მარტივი ტესტირების მეთოდით ადგილზე ჩაატარეს. უახლოეს დღეებში ყველა ადმინისტრაციულ ერთეულში და ა(ა)იპ „ხობის მუნიციპალიტეტის საზოგადოებრივ ჯანდაცვის ცენტრში“ დაიწყება მოსახლეობის ც ჰეპატიტზე გამოკვლევები.
31 ოქტომბერს კინოთეატრ ,,თუთარჩელას" ბილიარდის დარბაზში განათლების ცენტრის სასპორტო სკოლის ღია პირველობა ბილიარდში დასრულდა. ბილიარდის ტურნირი ორ სახეობაში „პული" და ,,თავისუფალი პირამიდა" ოლიმპიური სისტემით ჩატარდა და მასში 32 მობილარდე მონაწილეობდა, (მწვრთნელ-მასწავლებელი ლერი ბასილაია). ფინალურ შეხვედრაზე გამარჯვებულებს სიგელები და თასები გადასცეს.
