შიდასახელმწიფოებრივი და ადგილობრივი მნიშვნელობის გზების მესამე პროექტის (SLRP III) ფარგლებში, საქართველოს რეგიონული განვითარებისა და ინფრასტრუქტურის სამინისტროს სახელმწიფო საქვეუწყებო დაწესებულება-საავტომობილო გზების დეპარტამენტი ხობის მუნიციპალიტეტში, მსხვილმასშტაბიან ინფრასტრუქტურულ პროექტს ახორციელებს.
შიდასახელმწიფოებრივი გზის ხობი-ახალსოფელი-რკინიგზის სადგურის 10.5 კილომეტრიანი მონაკვეთის რეაბილიტაციის პროექტი მსოფლიო ბანკის დაფინანსებით ხორციელდება და პროექტის საწყისი სახელშეკრულებო ღირებულება 5963000 ლარს შეადგენს.
გზის სავალ ნაწილზე დაიგება ასფალტ-ბეტონის საფარი, მოეწყობა: სახიდე გადასასვლელი, ხელოვნური ნაგებობები, ეზოების შესასვლელები, საგზაო ნიშნები;
სარეაბილიტაციო გზა იწყება ქ. ხობში, მდ. ხობის ხიდთან, გაივლის სოფ. მეორე გურიფულს, გაღმა პირველი ხორგას, ახალსოფელს და მთავრდება რკინიგზის სადგურთან.