„სოფლის მხარდაჭერის პროგრამის“ ფარგლებში, ხობის მუნიციპალიტეტის გურიფულის ადმინისტრაციული ერთეულის სოფელ პირველ გურიფულში და სოფელ მეორე გურიფულში ამოიწმინდა სანიაღვრე არხები, მიმდინარეობს მილხიდების მოწყობა. პროექტს, რომლის ღირებულებაც 24957 ლარია, ინდივიდუალური მეწარმე „კახა ჩიქოვანი“ ახორციელებს
8 სექტემბერს, ხობის მუნიციპალიტეტის გამგეობის სააქტო დარბაზში, გარემოზე ზემოქმედების შეფასების ანგარიშის საჯარო განხილვა გაიმართა. შპს „შავი ზღვის ტერმინალს“ ყულევის საზღვაო ტერმინალის ტერიტორიაზე დაგეგმილი აქვს ახალი (N6) სარეზერვუარო პარკის მშენებლობა. ახალი სარეზერვუარო პარკი გათვალისწინებულია ქიმიური ტვირთების-პიროლიზური პროდუქტის, იზოპროპილის სპირტის და ინდუსტრიული ზეთის ოპერირებისათვის.
საჯარო განხილვას ხობის მუნიციპალიტეტის გამგეობის შესაბამისი სამსახურების წარმომადგენლებთან ერთად, გამგებლის მოადგილე მახარე ჩოკორაია ესწრებოდა.
თედო სახოკიას სახელობის ხობის ცენტრალური ბიბლიოთეკის წიგნადი ფონდი განახლდა. ადგილობრივი ბიუჯეტის დაფინანსებით, ა(ა)იპ „ხობის მუნიციპალიტეტის კულტურის ცენტრმა“ 130 ერთეული წიგნი შეიძინა. წიგნადი ფონდის განახლება ეტაპობრივად ხორციელდება და ქალაქ ხობის ცენტრალური ბიბლიოთეკის მკითხველებს შესაძლებლობა აქვთ ისარგებლონ ქართულ, რუსულ, ინგლისურ ენებზე გამოცემული მრავალფეროვანი მხატვრული და სამეცნიერო ლიტერატურით.
