„სოციალური და ჯანმრთელობის დაცვის მუნიციპალური პროგრამების უზრუნველყოფის კომისიის“ თავმჯდომარე ვარაზ გაბედავა, კომისიის წევრებთან ერთად, პირველი ხორგის, ქარიატის და ჭალადიდის ადმინისტრაციულ ერთეულებში მცხოვრები მოქალაქეების მომართვის საფუძველზე ადგილზე გაეცნო მათ სოციალურ-ეკონომიკურ მდგომარეობას. კომისიის თავმჯდომარის განმარტებით კომისია ადგილზე ეცნობა მოქალაქეების სახლების მდგომარეობას და კომისიის სხდომაზე, შესაბამის გადაწყვეტილებას, საკითხის დეტალური შესწავლის საფუძველზე ღებულობს.
ხობის მუნიციპალიტეტში სოციალურად დაუცველი და ეკონომიკურად შეჭირვებული მოსახლეობის სოციალურ-ეკონომიკური მდგომარეობის გაუმჯობესებისა და ხელშეწყობის მუნიციპალური პროგრამა მოქმედებს, რომელიც სოციალურად დაუცველი ოჯახების საცხოვრებელი სახლების შესაკეთებლად ერთჯერად ფულად დახმარებას ითვალისწინებს.