ხობის მუნიციპალიტეტში „სოფლის მხარდაჭერის პროგრამის“ ფარგლებში სამუშაოები აქტიურად დაიწყო. აღნიშნული პროგრამის ფარგლებში ხობის მუნიციპალიტეტისათვის წელს 848 300 ლარი გამოიყო.
14 ივლისს ძველი ხიბულის ადმინისტრაციულ ერთეულში პროგრამის ფარგლებში მიმდინარე სამუშაოები ხობის მუნიციპალიტეტის გამგებელმა გოჩა ქაჯაიამ და გამგებლის პირველმა მოადგილემ ვარაზ გაბედავამ დაათვალიერეს. ამ ეტაპზე მიმდინარეობს შიდა სასოფლო ხრეშოვანი გზების მოწესრიგება. სამუშაოებს, სადაც ადგილობრივები არიან დასაქმებული, შპს „კარიერი“ ასრულებს. სამუშაოს საერთო ღირებულება 18 114 ლარს შეადგენს.