11 ივნისს,ქალაქ ხობის კულტურის სახლის დიდი დარბაზში გაიმართა ხობის მუნიციპალიტეტის სკოლების კურსდამთავრებულებისადმი მიძღვნილი კონცერტი, სადაც მაყურებლის წინაშე ქართული ხალხური ცეკვისა და სიმღერის სახელმწიფო აკადემიური ანსამბლი - „რუსთავი“ წარსდგა.
კულტურის სახლის სცენაზე ერთმანეთს ენაცვლებოდა ქართული კულტურის ოქროს ფონდის რჩეული ნიმუშები - ქართული ხალხური ცეკვები და სიმღერები. ანსამბლ „რუსთავის“ უმაღლესმა საშემსრულებლო ოსტატობამ წარუშლელი კვალი დატოვა მაყურებელზე.
კონცერტის დასასრულს ფეხზე წამომდგარი მაყურებელი დიდხანს უკრავდა ტაშს ყველასთვის საყვარელ ანსამბლ „რუსთავს.“
ღონისძიება სადღესასწაულო ფეიერვერკით დასრულდა.