ქ. ხობში, საქართველოს სპორტისა და ახალგაზრდობის საქმეთა სამინისტროს „სპორტის ინფრასტრუქტურის რეაბილიტაციისა და სპორტის ინვენტარის განახლების“ პროგრამის ფარგლებში, „თუთარჩელას’’ მიმდებარე ტერიტორიაზე ღია ტიპის სავარჯიშო მოედნის მოწყობის სამუშაოები ხობის მუნიციპალიტეტის გამგებელმა გოჩა ქაჯაიამ, საკრებულოს თავმჯდომარემ ედიშერ ჯობავამ, გამგებლის მოადგილემ მახარე ჩოკორაიამ, საკრებულოს საფინანსო-სარევიზიო საკითხთა კომისიის თავმჯდომარემ ტარიელ ალექსანდრიამ და ხობის მაჟორიტარი დეპუტატის გოდერძი ბუკიას ბიუროს ხელმძღვანელმა რევაზ წულაიამ დაათვალიერეს.
პროექტის ფარგლებში, ასევე გათვალისწინებულია შეზღუდული შესაძლებლობის მქონე პირთათვის სპეციალური ზონის მოწყობა.
ღია ტიპის სავარჯიშო მოედნის მოწყობის სამუშაოები უახლოეს დღეებში დასრულდება და მოედნით სარგებლობა ნებისმიერ მსურველს შეეძლება.
სავარჯიშო მოედნის მოწყობის სამუშაოები საქართველოს სპორტისა და ახალგაზრდობის საქმეთა სამინისტროს მხარდაჭერითა და დაფინანსებით ხორციელდება.