8 აგვისტოს დასრულდა 2008 წელს ტრაგიკულად დაღუპული რეზერვისტების, გოგა ჭითანავას და ლევან ტურავას სახელობის რიგით მეექვსე გათამაშება მინიფეხბურთში. ტურნირი ხობის მუნიციპალიტეტის გამგეობის კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსახურის ორგანიზებით ჩატარდა და მასში მონაწილეობა 8 გუნდმა („საძმო“, „ხამისკური“, „პირველი მაისი“, „ხობი“, „წინაგოლა“, „ხეთა (ცენტრი)“, „ბანკი ფინკა“ და „ს.კ. იმედი“) მიიღო. 

ტურნირში მესამე ადგილი პირველი მაისის გუნდმა მოიპოვა, ფინალში ერთმანეთს წინაგოლისა და ხეთის (ცენტრის) ფეხბურთელთა გუნდები დაუპირისპირდნენ, შეხვედრა  ხეთის (ცენტრის) ფეხბურთელთა გუნდის გამარჯვებით დასრულდა. ტურნირის დახურვის ცერემონიალს გოგა ჭითანავას და ლევან ტურავას  ოჯახის წევრებთან და მეგობრებთან ერთად   ხობის მუნიციპლალიტეტის გამგებელი გოჩა ქაჯაია, საკრებულოს თავმჯდომარე ედიშერ ჯობავა, ხეთის ადმინისტრაციულ ერთეულში გამგებლის წარმომადგენელი შავლეგ ბუკია და მუნიციპალიტეტის სხვადასხვა სამსახურის წარმომადგენლები ესწრებოდნენ. გამარჯვებულ გუნდს თასი ხობის მუნიციპალიტეტის გამგებელმა გადასცა,  შესაბამისად მეორე და მესამე ადგილზე გასულ გუნდებს სიგელები და თასები  გადაეცათ.