2 აგვისტოს ხობის მუნიციპალიტეტის სოფელ საგვიჩიოში სტარტი აიღო 2004 წელს საქართველოს ტერიტორიული მთლიანობისათვის სამაჩაბლოში დაღუპული ჯარისკაცის კობა შუბითიძის სახელობის თასის გათამაშებამ ფეხბურთში. სადაც მონაწილოეობას იღებს საგვიჩიოს, ქვალონის, ახალსოფლის, ჭალადიდის, საქართველოს ეროვნული გვარდიის, ქუთაისის საარტილერიო ბრიგადის, სენაკის საარტილერიო ბრიგადისა და ხონის საარტილერიო ბრიგადისგან დაკომპლექტებული გუნდები.
გახსნის ცერემონიალს ხობის მუნიციპალიტეტის გამგებელი გოჩა ქაჯაია მოწვეულ სტუმრებთან და ადგილობრივი ხელისუფლების წარმომადგენლებთან ერთად დაესწრო.
ფინალური შეხვედრა 8 აგვისტოს სოფელ საგვიჩიოში გაიმართება, სადაც გამარჯვებული გუნდი კობა შუბითიძის სახელობის გარდამავალი თასის მფლობელი გახდება.