ხობის მუნიციპალიტეტის საკრებულოს მიერ  საქართველოს პრეზიდენტის 2013 წლის 27 ოქტომბრის მორიგ არჩევნებთან დაკავშირებით მიღებულ იქნა გადაწყვეტილება წინასაარჩევნო პერიოდში გასატარებელ ღონისძიებათა შესახებ. კერძოდ:

საარჩევნო სუბიექტებისთვის ამომრჩევლებთან შეხვედრების, კრებების, საჯარო დებატებისა და დისკუსიებისთვის გამოიყო ხობის მუნიციპალიტეტის საკუთრებაში არსებული შენობა-ნაგებობები:

ა) ქ. ხობში:  ხობის კულტურის სახლი და ცენტრალური ბიბლიოთეკა

ბ) ახალი ხიბულის თემში - ახალი ხიბულის კლუბის შენობა;

      გ) ბიის თემში - ხობის მუნიციპალიტეტის ტერიტორიული ორგანოს ადმინისტრაციული შენობა;

     დ) ზემო ქვალონის თემში - ხობის მუნიციპალიტეტის ტერიტორიული ორგანოს ადმინისტრაციული შენობა;

      ე) თორსა-დღვაბის თემში - ხობის მუნიციპალიტეტის ტერიტორიული ორგანოს ადმინისტრაციული შენობა;

     ვ) პირველი მაისის თემში - პირველი მაისის კლუბის შენობა;

     ზ) საჯიჯაოს თემში - საჯიჯაოს კულტურის სახლი;

     თ) ქარიატის თემში - ქარიატის კლუბის შენობა;

     ი) ქვემო ქვალონის თემში - ქვემო ქვალონის კულტურის სახლი;

    კ) შუა ხორგის თემში - ხობის მუნიციპალიტეტის ტერიტორიული ორგანოს ადმინისტრაციული შენობა;

      ლ) ჭალადიდის თემში - ხობის მუნიციპალიტეტის ტერიტორიული ორგანოს ადმინისტრაციული შენობა;

     მ) ხეთის თემში - ხობის მუნიციპალიტეტის ტერიტორიული ორგანოს ადმინისტრაციული შენობა;

     ნ) სოფელ პატარა ფოთში - ხობის მუნიციპალიტეტის ტერიტორიული ორგანოს ადმინისტრაციული შენობა;

     ო) სოფელ პირველ ხორგაში  -  პირველი ხორგის კლუბის შენობა;

     პ) სოფელ საგვიჩიოში - ხობის მუნიციპალიტეტის ტერიტორიული ორგანოს ადმინისტრაციული შენობა;

     ჟ)  სოფელ ყულევში - ყულევის კლუბის შენობა;

     რ) სოფელ ძველ ხიბულაში - ხობის მუნიციპალიტეტის ტერიტორიული ორგანოს ადმინისტრაციული შენობა.

 ხობის მუნიციპალიტეტის ტერიტორიაზე არსებული შენობა-ნაგებობების გარე იერსახის დამახინჯებისა და საარჩევნო ატრიბუტიკის (პლაკატები, ლოზუნგები და სხვა) შეუფერებელ ადგილებში განთავსების აღკვეთის მიზნით,  ქ. ხობის ტერიტორიაზე შექმნილ საარჩევნო უბნებში საარჩევნო სუბიექტების სარეკლამო პლაკატები უნდა  განთავსდეს სპეციალურად მოწყობილ სტენდებზე:

ა) N66.01 საარჩევნო უბნის ტერიტორიაზე - ცოტნე დადიანის ქუჩაზე საზოგადოებრივი ტრანსპორტის გაჩერებასთან და დავით აღმაშენებლის ქუჩაზე კოსტავას ქუჩის გადაკვეთასთან;

ბ) N66.02 საარჩევნო უბნის ტერიტორიაზე - ცოტნე დადიანის ქუჩაზე რესტორან „ღიმილთან“ და ცოტნე დადიანის ქუჩაზე გოგებაშვილის ქუჩის გადაკვეთასთან;

გ) N66.03 საარჩევნო უბნის ტერიტორიაზე - ჭყონდიდელის ქუჩის დასაწყისში, 9 აპრილის ხეივანთან და ჭყონდიდელისა და 26 მაისის  ქუჩების გადაკვეთაზე;

დ) N66.28 საარჩევნო უბნის ტერიტორიაზე - ცოტნე დადიანის ქუჩაზე კოლხეთის დასახლების შესახვევთან და სტალინის ქუჩაზე რუსთაველის ქუჩის გადაკვეთასთან.

  მუნიციპალიტეტის თემებსა და სოფლებში არსებულ საარჩევნო უბნებში საარჩევნო სუბიექტების სარეკლამო პლაკატების განსათავსებლად შესაძლებელია გამოყენებულ იქნეს იქ არსებული ნებისმიერი შენობა-ნაგებობა,   გარდა კანონმდებლობით აკრძალულისა.

     აიკრძალა საარჩევნო სუბიექტების სარეკლამო პლაკატების განთავსება საკულტო ნაგებობებზე, სახელმწიფო ხელისუფლებისა და ადგილობრივი თვითმმართველობის ორგანოების, სასამართლოს და პოლიციის შენობების ინტერიერსა და ექსტერიერში, აგრეთვე საგზაო ნიშნებზე..

      ხობის მუნიციპალიტეტის ტერიტორიაზე საქართველოს პრეზიდენტის 2013 წლის  27 ოქტომბრის მორიგ არჩევნებში მონაწილე საარჩევნო სუბიექტები ვალდებულნი არიან დაიცვან საქართველოს ორგანული კანონის „საქართველოს საარჩევნო კოდექსით“ და ხობის მუნიციპალიტეტის საკრებულოს გადაწყვეტილებით დადგენილი მოთხოვნები.