ხვალ, 11 ივლისს 14:00 საათზე ქ. ხობის კულტურის სახლის დიდ დარბაზში გაიმართება სტუდია „გუთანის“ ფილმის „მიწის სჯულის“ ჩვენება. სრულიად საქართველოს კათოლიკოს-პატრიარქის უწმინდესისა და უნეტარესის, ილია მეორის ლოცვა კურთხევით სტუდია ემსახურება ქართული ფესვების გაცოცხლებას და აღორძინებას.
დოკუმენტურ ფილმში ასახულია ამერიკაში მყოფი ემიგრანტების ცხოვრება და მათი მოღვაწეობა. საპატრიარქოში გამართულ ამ ემოციური ფილმის ჩვენების შემდეგ, პატრიარქი სიტყვით გამოვიდა, დალოცა ქართველი ემიგრანტები და მათი სამშობლოში დაბრუნების აუცილებლობაზე ისაუბრა.
ხობის მუნიციპალიტეტის გამგეობა გიწვევთ ფილმის ჩვენებაზე, დასწრება თავისუფალია.