8 ივლისს "PH-international“-ისა და ასოციაცია „ათინათის“ პროექტის „სამოქალაქო განათლებისა და პედაგოგთა გადამზადების პროგრამის „ფარგლებში“ ხობის მუნიციპალიტეტის საჯიჯაოს თემში, საჯიჯაოს N1 საჯარო სკოლის სასკოლო სამოქალაქო კლუბი „ანაბასისის“ ორგანიზებით გაიმართა ველორბოლა. ღონისძიებას რომელიც მიზნად ისახავდა ჯანსაღი ცხოვრების წესის პოპულარიზაციას, დაესწრნენ ხობის მუნიციპალიტეტის გამგებელი კახაბერ ბენიძე, გამგებლის მოადგილე მახარე ჩოკორაია, ხობის მუნიციპალიტეტის რწმუნებული საჯიჯაოს თემში ავთანდილ კვარაცხელია და ასოციაცია „ათინათის“ სამოქალაქო განათლებისა და პედაგოგთა გადამზადების პროგრამის სამოქალაქო კლუბების ხელმძღვანელი ლალი გამისონია. ველორბოლის მონაწილეებზე სამედიცინო კონტროლს უზრუნველყოფდა საჯიჯაოს საექიმო ამბულატორიის მედდა ქეთევან წურწუმია. მონაწილეებს გადაეცათ სიგელები აქტიური მონაწილეობისათვის, გამოვლინდა I-II-III ადგილის მფლობელები, რომლებიც დაჯილდოვდნენ შესაბამისი სიგელებითა და ფასიანი საჩუქრებით .