ხობის მუნიციპალიტეტის გამგებელმა კახაბერ ბენძემ ქ.ხობში ც. დადიანის ქუჩაზე მიმდინარე სამუშაოები დაათვალიერა, რომელიც ხორციელდება საქართველოს რეგიონალური განვითარების პროექტის ფარგლებში.
7 ივლისს ტრადიციული ფესტივალი „ART-გენი“- 2013 მარტვილის მუნიციპალიტეტის სოფელ სალხინოში დადიანების მარნის ტერიტორიაზე ჩატარდა. ფესტივალის მიზანი - საქართველოს ხალხური და ტრადიციული შემოქმედების პოპულარიზაცია, ამ დარგის უცნობი და ნაცნობი ნიმუშების მოძიება და საზოგადოებისათვის გაცნობაა. ფესტივალი დაიწყო რეგიონებიდან და იხურება თბილისის ეთნოგრაფიულ მუზეუმში. კონცერტში მონაწილეობდნენ საქართველოს სხვადასხვა კუთხის წარმომადგენლები, სადაც შესრულდა ხალხური სიმღერები და ტრადიციული ცეკვები. მონაწილეთა შორის იყვნენ ხობის მუნიციპალიტეტის კულტურის ცენტრთან არსებული ვაჟთა ხალხური ანსამბლი „კოლხეთი“ (ხელმძღვანელი ნუგზარ ზარანდია), გოგონათა „ტრიო“ და გოგონათა ანსამბლი „კოლხეთი“, რომლებმაც ფესტივალის ორგანიზატორებისა და დამსწრეთა მოწონება დაიმსახურეს, ისინი მონაწილეობას მიიღებენ ფესტივალ „ART-გენი“-2013-ში 16 ივლისს 18:00 - 22:00 საათზე ქ. თბილისში.
