ხობის მუნიციპალიტეტის გამგეობის სააქტო დარბაზში, 6 ივნისს არასამთავრობო ქალთა ორგანიზაცია „გაენათის“ წარმომადგენლები, მათ მიერ შერჩეულ სახელმწიფო და ადგილობრივ სტრუქტურებში დასაქმებულ, არასამთავრობო ორგანიზაციების და პოლიტიკური პარტიების წარმომადგენელ ქალებს შეხვდნენ. შეხვედრაზე ისაუბრეს ქალთა ლიდერობასა და კომუნიკაციაზე. ტრენინგს უძღვებოდა ჟურნალისტი, არასამთავრობო ორგანიზაცია „დამოუკიდებელი მედია ცენტრის“ ხელმძღვანელი, ტრენერი მაია ღუბელაძე, ქალთა ასოციაცია „გაენათის“ წარმომადგენელი ნეკა კობახიძე და ტრენერ-ოპერატორი ნუკრი ბერულავა.