ბოლო ზარის ტრადიცია საქართველოში დიდი ხანია არსებობს. სასწავლო წლის დამთავრების შემდეგ ღონისძიება ყველა სკოლაში იმართება, რომელშიც გამოსაშვები კლასის მოსწავლეები იღებენ მონაწილეობას. მათ სკოლის დამთავრებას და ახალი ცხოვრების დაწყებას ულოცავენ.
ქ. ხობის კულტურის სახლში მუნიციპალიტეტის რამოდენიმე სკოლის კურსდამთავრებულებმა, მეთორმეტე კლასელებმა, ბოლო ზართან დაკავშირებით რამოდენიმე ღონისძიება მოაწყვეს. თბილი სიტყვებით ეფერებოდნენ მასწავლებლებს, დამსწრე საზოგადოებას და სიმღერებითა და ცეკვებით დაუვიწყარი საღამო აჩუქეს მათ.
ღონისძიებებს ესწრებოდნენ ხობის მუნიციპალიტეტის საკრებულოს და გამგეობის ხელმძღვანელი პირები.
ხობის მუნიციპალიტეტის გამგეობა ყველა კურსდამთავრებულს ულოცავს სკოლის დამთავრებას და უსურვებს წარმატებებს.
2013 წლის მაისში ხობის მუნიციპალიტეტის ტერიტორიაზე გამგეობის კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსახურის ძეგლთა დაცვის საკითხებში მთავარი სპეციალისტის გ. ჩიტაიას მიერ მეცნიერებისთვის დღემდე უცნობი ორი მნიშვნელოვანი ძეგლი დაფიქსირდა. პირველი მდებარეობს შუა ხორგის თემის ცენტრიდან ჩრდილო-დასავლეთით, ოთხი კილომეტრის დაშორებით, ტყეში - იგი ძველკოლხური პერიოდის ნამოსახლარია, რომლის ფართობი არანაკლებ ორი ჰექტარია. მეორე ძეგლი ბრინჯაოს ხანის სამარხებია და მდებარეობს ჭალადიდის თემის სოფელ საღვამიჩაოში მდინარე რიონის მარჯვენა სანაპიროზე. მსგავსი ტიპის ძეგლი ამ მხარეში ადრე არ დაფიქსირებულა, რის გამოც მისი მნიშვნელობა სამეცნიერო თვალსაზრისით უდავოდ დიდია. სამწუხაროდ, ძეგლი მდინარის მიერ ირეცხება და მოითხოვს გადარჩენითი არქეოლოგიური სამუშაოების ჩატარებას.
