ხობის მუნიციპალიტეტის ახალსოფლის თემის ტერიტორიაზე მეცნიერებისათვის აქამდე უცნობი ძველკოლხური ნამოსახლარი დაფიქსირდა. აღმოჩენილია სავარაუდოდ ძველი წელთააღრიცხვით VIII-VII საუკუნეების თიხის ჭურჭლის ფრაგმენტები, ბათქაშები... კონკრეტული ადგილი დაათვალიერა ხობის მუნიციპალიტეტის გამგეობის კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსახურის მთავარმა სპეციალისტმა ძეგლთა დაცვის საკითხებში გოგიტა ჩიტაიამ. სატელიტური (GPRS) ხელსაწყოთი განისაზღვრა არქეოლოგიური ობიექტის გეოგრაფიული კოორდინატები.
2013 წლის 12 თებერვალს ქ. ხობში სტარტი აიღო 2008 წელს, რუსული აგრესიის შედეგად ტრაგიკულად დაღუპული რეზერვისტის, დათა ხურცილავას სახელობის რიგით მეხუთე გათამაშებამ მინიფეხბურთში. ტურნირი ტარდება ხობის მუნიციპალიტეტის გამგეობის კულტურის, განათლების, სპორტის, ძეგლთა დაცვისა და ახალგაზრულ საქმეთა სამსახურის სპორტისა და ახალგაზრდულ საქმეთა განყოფილების ორგანიზებით. მასში ქ. ხობის უბნების 8 გუნდი იღებს მონაწილეობას. პირველ ტურში ერთმანეთს შეხვდნენ:
1. გურიფული - კოლხეთი
2. რეზერვისტები - იმედი
3. გოგებაშვილი - მერცხალი
4. ჭავჭავაძე - ნოჯიხევი
ფინალური მატჩი 16 თებერვალს, დათა ხურცილავას სახელობის სტადიონზე გაიმართება.