ხეთის თემის ცენტრსა და ცენტრალური გზისპირა მონაკვეთზე, ამავე თემში ხობის მუნიციპალიტეტის რწმუნებულის შავლეგ ბუკიას ინიციატივით, დასუფთავების აქცია გაიმართა. მასში აქტიური მონაწილეობა მიიღო ადგილობრივმა მოსახლეობამ. აქციის მიზანი იყო დანაგვიანებული ტერიტორიის გაწმენდა.
მონაწილეებმა საზოგადოებას მოუწოდეს დაიცვან გარემო დაბინძურებისაგან და ამასთანავე, პერიოდულად მოაწყონ მსგავსი ღონისძიებები.
დღეს, 8 თებერვალს ხობის მუნიციპალიტეტის ცენტრალურ ბიბლიოთეკაში დავით აღმაშენებლის ხსენების დღესთან დაკავშირებით „ლიტერატურული საღამო“ ჩატარდა. ბიბლიოთეკის თანამშრომლებმა საზოგადოებას წარუდგინეს დავით აღმაშენებლის ბიოგრაფია, ლექსები და ჩანახატები, მოეწყო ლიტერატურული გამოფენა. დამსწრეთა შორის იყვნენ მოსწავლეები, რომლებიც აქტიურობით გამოირჩეოდნენ. საღამოს ესწრებოდა ხობის მუნიციპალიტეტის გამგეობის კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსახურის უფროსი ფერიდე გოგია.
საღამოს დასასრულს გამოითქვა სურვილი, რომ მსგავსი დღესასწაულები ხშირად აღინიშნოს.
