30 იანვრიდან 3 თებერვლის ჩათვლით, ფოთის ნანა ალექსანდრიას სახელობის საჭადრაკო სკოლაში ჩატარდა სამეგრელო-ზემო სვანეთის რეგიონის ჩემპიონატი ჭადრაკში 8 და 12 წლის ჭაბუკთა და გოგონათა შორის. ტურნირი შვეიცარიული სისტემით, 9 ტურად გაიმართა და მასში მონაწილეობა მიიღო ფოთის, ზუგდიდის და ხობის 60-მდე მოჭადრაკემ. აღნიშნულ ტურნირში წარმატებით წარსდგა ა(ა)იპ ,,ხობის მუნიციპალიტეტის განათლების ცენტრის’’ სასპორტო სკოლის მოჭადრაკეთა გუნდი მწვრთნელ-მასწავლებლის, სპორტის დამსახურებული მოღვაწის, ეროვნული ოსტატის ირაკლი გეთიას ხელმძღვანელობით. ტურნირში მონაწილეობდნენ: ლატარია გიორგი, შამუგია ლუკა, სორდია საბა, კვიკვინია ანა, კვიკვინია თეიმურაზი, ლომაია დიანა, გიორგაძე გიორგი, ბუკია სანდრო.
8 წლის ჭაბუკთა შორის 8 ქულით პირველი ადგილი აიღო თეიმურაზ კვიკვინიამ.
8 წლის გოგონათა შორის 9 ქულით (აბსოლუტური გამარჯვება) პირველი ადგილი მოიპოვა დიანა ლომაიამ.
12 წლის ჭაბუკთა შორის 7,5 ქულით პირველი ადგილი დაიკავა გიორგი ლატარიამ. ხოლო 7 ქულით II-III ადგილი ზუგდიდელ მოჭადრაკესთან გაიყო ლუკა შამუგიამ.
გუნდის დანარჩენი წევრები პირველ ათეულში მოხვდნენ შემდეგი შედეგებით:
12 წლის გოგონებში ანა კვიკვინია 2 ქულით – VIII ადგილი;
8 წლის ჭაბუკებში გიორგი გიორგაძე 5 ქულით - V ადგილი; ბუკია სანდრო 4 ქულით - X ადგილი; ხოლო 12 წლის ჭაბუკებში საბა სორდია 2 ქულით - XI-XII ადგილი;
ნორჩი მოჭადრაკე დიანა ლომაია ტურნირის აბსოლუტური ჩემპიონი გახდა, ხოლო სასპორტო სკოლის ნაკრები გუნდი-ტურნირის გამარჯვებული.
გამარჯვებულმა ნორჩმა ხობელმა მოჭადრაკეებმა მოიპოვეს საქართველოს ასაკობრივი ჩემპიონატის საგზურები და დაჯილდოვდნენ თასებით და დიპლომებით.