დღეს, ხობის მუნიციპალიტეტის მერიაში, მუნიციპალიტეტის საჯარო და კერძო სკოლების წარჩინებულ მოსწავლეთა დაჯილდოების ღონისძიება გაიმართა.მოსწავლეებს სკოლის ოქროსა და ვერცხლის მედლებზე დამთავრება ხობის მუნიციპალიტეტის მერმა დავით ბუკიამ მიულოცა და სიგელები გადასცა.შეხვედრას მერის მოადგილე დავით ბერაია და სკოლების პედაგოგები ესწრებოდნენ.„ხობის მუნიციპალიტეტში განათლების ხელშეწყობის მუნიციპალური პროგრამის“ ფარგლებში თითოეულ მოსწავლეს ადგილობრივი ბიუჯეტიდან პირად ანგარიშზე ფულადი თანხა ჩაერიცხება.
დღეს, ქალაქ ხობში, საქართველოს მთავრობის ადმინისტრაციის ორგანიზებით ,,მუსიკალური საღამო” გაიმართა.
ხობის ცენტრალურ პარკში საპნის ბუშტების შოუ და ადგილობრივ მეწარმეთა ნაწარმის გამოფენა-გაყიდვა მოეწყო. ბავშვების მხიარულ განწყობაზე ზღაპრების გმირები, ანიმატორები და თითების თეატრის მსახიობები ზრუნავდნენ.
მუსიკალური საღამო ქართველი მომღერლების გალა-კონცერტით გაგრძელდა. მსმენელის წინაშე "თბილისური კვარტეტი, "ქართული ხმები", "ჩვენი კვარტეტი", ნათია პერანიძე, მაია ჯაბუა, ნუკრი კაპანაძე, ნეკა სებისკვერაძე, ნინო გულიაშვილი, ლიკა დოლიძე და,,ლაიქ ბენდი“ ცნობილი ქართული სიმღერებით წარდგნენ. კონცერტს, მსახიობი ჯანო იზორია უძღვებოდა
ღონისძიებას სამეგრელო-ზემო სვანეთის სახელმწიფო რწმუნებული გიორგი გუგუჩია და ხობის მუნიციპალიტეტის მერი დავით ბუკია ესწრებოდნენ.
#მუსიკალურისაღამოები
