ხობის კულტურის სახლში, ხობის მუნიციპალიტეტის 2021 წლის ადგილობრივი ბიუჯეტის პროექტის და 2021-2024 წლების ადგილობრივი ბიუჯეტის პრიორიტეტების დოკუმენტის საჯარო განხილვა გაიმართა.
ბიუჯეტის პროექტის ძირითადი პარამეტრები და პრიორიტეტები დამსწრე საზოგადოებას, მერიის საფინანსო-საბიუჯეტო სამსახურის უფროსმა დავით ჭოჭუამ გააცნო. დ. ჭოჭუას განმარტებით: შემოსულობები განისაზღვრა 10 მილიონ 2 ათასი ლარით. აქედან: შემოსავლები 9952.0 ათასი ლარი, ხოლო არაფინანსური აქტივების კლება 50 ათასი ლარი.
2021 წლის ბიუჯეტის პროექტის ძირითად პრიორიტეტს - სოციალური სფერო, ინფრასტრუქტურა და სკოლამდელი განათლება წარმოადგენს.
ბიუჯეტის პროექტის საჯარო განხილვაში ხობის მუნიციპალიტეტის მერი გოჩა ქაჯაია, საკრებულოს თავმჯდომარე ედიშერ ჯობავა, საკრებულოს წევრები, მერიის, საზოგადოების და ადგილობრივი თვითმმართველობის მიერ დაფუძნებული იურიდიული პირების წარმომადგენლები მონაწილეობდნენ.
ბიუჯეტის პროექტი და პრიორიტეტების დოკუმენტი იხილეთ ბმულზე: http://www.khobi.ge/index.php?news=1&year=2020&month=11...).

facebook.com/media/set/?vanity=KhobiMunicipality&set=a.3666344326761783