21 ივნისს, ქალაქ ხობის N1 საჯარო სკოლის სპორტულ დარბაზში, მაგიდის ჩოგბურთში მუნიციპალურ პირველობაზე გამარჯვებულთა დაჯილდოება გაიმართა. სპორტული შეჯიბრება, რომელშიც ხობის მუნიციპალიტეტის ადმინისტრაციული ერთეულების წარმომადგენლები მონაწილეობდნენ, ადგილობრივი თვითმმართველობის მხარდაჭერითა და ა(ა)იპ „ხობის მუნიციპალიტეტის კულტურულ-საგანმანათლებლო, საზოგადოებრივი ცენტრის“ ორგანიზებით ჩატარდა.
გამარჯვებულ და საპრიზო ადგილებზე გასულ მოთამაშეებს თასები და სიგელები გადაეცათ.
ღონისძიებას ხობის მუნიციპალიტეტის გამგეობისა და საკრებულოს წარმომადგენლებთან ერთად, საკრებულოს თავმჯდომარე ედიშერ ჯობავა ესწრებოდა.