ქალაქ ხობში, ხობის მუნიციპალიტეტის სკოლების მოსწავლეთა მონაწილეობით საჭადრაკო ტურნირი მიმდინარეობს, რომელიც შვეიცარიული სისტემით, 9 ტურად ტარდება. საჭადრაკო პირველობის დასკვნითი ტურის შეხვედრები 27 აპრილს გაიმართება.
ფესტივალის ფარგლებში მუნიციპალური პირველობა ასევე ჩატარდება: ქუჩის კალათბურთში (3X3), მინი-ფეხბურთსა და 60 მეტრზე რბენაში.
გამარჯვებულ მოსწავლეებს 8 დღით, ანაკლიის „მომავლის ბანაკი“ უმასპინძლებს, სადაც საქართველოს ჩემპიონის ტიტულის მფლობელები გამოვლინდებიან.
სპორტული ღონისძიება სსიპ „ბავშვთა და ახალგაზრდობის ეროვნული ცენტრისა“ და ადგილობრივი თვითმმართველობის ორგანიზებით ხორციელდება.
28 აპრილი, 14 საათი - კალათბურთი, ქალაქ ხობის N1 საჯარო სკოლის სპორტული დარბაზი;
1 მაისი, 13 საათი - მინი-ფეხბურთი, ნოდარ შენგელიას სახელობის სტადიონი;
5 მაისი, 14 საათი - სპრინტი, ხობის ცენტრალური სტადიონი.
26 აპრილს დასუფთავების აქცია ნოჯიხევის ადმინისტრაციულ ერთეულში გაიმართა. დასუფთავდა ხობის მონასტრისა და რკინისგზის მიმდებარე ტერიტორია. მსგავსი ღონისძიება ხობის მუნიციპალიტეტის სხვა ადმინისტრაციულ ერთეულებში პერიოდულად განხორციელდება.
1986 წლის 26 აპრილს, უკრაინის ტერიტორიაზე ჩერნობილის ატომური ელექტროსადგურის მე-4 ბლოკზე ავარია მოხდა. აფეთქება იმდენად ძლიერი იყო, რომ მეოთხე ბლოკი სრულიად განადგურდა; გარემოში დიდი რაოდენობით რადიოაქტიური ნივთიერება გამოიტყორცნა. ავარიის შედეგად ათეულობით ათასმა ადამიანმა მიიღო რადიაციული დასხივება.
ხობის მუნიციპალიტეტის სოციალურად დაუცველი და ეკონომიკურად შეჭირვებული მოსახლეობის სოციალურ-ეკონომიკური მდგომარეობის გაუმჯობესებისა და ხელშეწყობის მუნიციპალური პროგრამის ფარგლებში, ჩერნობილის ატომურ ელექტროსადგურზე სალიკვიდაციო სამუშაოებში მონაწილე 16 მოქალაქეს, პირად ანგარიშზე 100-100 ლარი ჩაერიცხება.
