20 აპრილს, ხეთის ადმინისტრაციულ ერთეულში სოფლის კრება გაიმართა. კრებას ადგილობრივ მცხოვრებლებთან ერთად, ხობის მუნიციპალიტეტის გამგეობის წარმომადგენლები ესწრებოდნენ. გამგეობის ინფრასტრუქტურის, ურბანული განვითარებისა და არქიტექტურის სამსახურის თანამშრომლებმა კრების მონაწილეებს ხეთის საბავშვო ბაღის რეაბილიტაციის პროექტი გააცნეს. პროექტი, რომელიც ბაღის სრულ რეაბილიტაციას ითვალისწინებს, მოწონებულ იქნა მოსახლეობის მიერ. სოფლის კრების მიზანია, ადგილობრივი თვითმმართველობის განხორციელების პროცესში მოქალაქეთა მონაწილეობის პრინციპის საფუძველზე, ადმინისტრაციულ ერთეულებში მცხოვრებთა ინტერესების გათვალისწინებით შეირჩეს და განისაზღვროს სოფლისათვის ძირითადი, პრიორიტეტული საკითხები.
ევროპის იმუნიზაციის კვირეულის ფარგლებში ა(ა)იპ „ხობის მუნიციპალიტეტის საზოგადოებრივი ჯანდაცვის ცენტრის“ წარმომადგენლები, ხობის მუნიციპალიტეტის საბავშვო ბაღებში სკოლამდელი დაწესებულებების თანამრომლებთან და აღსაზრდელების მშობლებთან საინფორმაციო ხასიათის შეხვედრებს გამართავენ. შეხვედრის მიზანი იმუნიზაციის აუცილებლობისა და მნიშვნელობის შესახებ ინფორმაციის მიწოდებაა.
25 აპრილი, თორსა-დღვაბის საბავშვო ბაღი;
26 აპრილი, ჭალადიდის საბავშვო ბაღი;
27 აპრილი, ქვემო ქვალონის საბავშვო ბაღი;
28 აპრილი საჯიჯაოს საბავშვო ბაღი.
ჯანმრთელობის მსოფლიო ორგანიზაციის (ჯანმო) ევროპის რეგიონულმა ბიურომ 2017 წლის 24-30 აპრილის პერიოდი ევროპის იმუნიზაციის კვირეულად გამოაცხადა. საქართველო, როგორც ჯანმრთელობის მსოფლიო ორგანიზაციის ევროპის რეგიონის წევრი ქვეყანა, იმუნიზაციის კვირეულში მონაწილეობას იღებს 2007 წლიდან.
ევროპის იმუნიზაციის კვირეულის მიზანია ცნობიერების ამაღლება იმუნიზაციის მნიშვნელობის შესახებ ადამიანის ჯანმრთელობისა და კეთილდღეობისათვის. წლების მანძილზე საქართველო აქტიურად მონაწილეობს ევროპის იმუნიზაციის კვირეულში.
იმუნიზაციის კვირეული ფოკუსირებულია დაავადებებზე, რომელთა თავიდან აცილება ვაქცინაციით არის შესაძლებელი (ე.წ. ვაქცინაციით მართვადი ინფექციები).
ხობის მუნიციპალიტეტის მასშტაბით 19 აპრილიდან ეტაპობრივად მიმდინარეობს დასუფთავების აქცია. ხობის მუნიციპალიტეტის გამგეობის ორგანიზებით შუა ხორგის და პირველი ხორგის ადმინისტრაციულ ერთეულებში განსაზღვრული ტერიტორიები დასუფთავდა. 22 აპრილს დედამიწის დღესთან დაკავშირებით ხობის მუნიციპალიტეტის ტერიტორიაზე გაიმართება ფართომასშტაბიანი დასუფთავების აქცია, რომელშიც ადგილობრივი თვითმმართველობის მოსამსახურეებთან ერთად, სხვადასხვა ორგანიზაციებისა და საზოგადოების წარმომადგენლები მიიღებენ მონაწილეობას. მოსახლეობას ვთხოვოთ აქტიურად ჩაერთოს მიმდინარე აქციაში, ყველამ ერთად დავასუფთაოთ გარემო.
