22 მარტს, ხობის მუნიციპალიტეტში, წყლის რესურსების დაცვის საერთაშორისო დღესთან დაკავშირებით, არასამთავრობო ორგანიზაცია „საქართველოს მწვანეთა მოძრაობა/დედამიწის მეგობრები – საქართველოს“ და ადგილობრივი თვითმმართველობის ორგანიზებით, „დავასუფთაოთ საქართველო“ პროექტის ფარგლებში დასუფთავების აქცია გაიმართა. აქციის ფარგლებში დასუფთავდა მდინარე ხობის სანაპირო ზოლი და ადმინისტრაციულ ერთეულებში განსაზღვრული ტერიტორიები. დასუფთავების აქციაში, ადგილობრივი თვითმმართველობის მოხელეები და საზოგადოების წარმომადგენლები მონაწილეობდნენ. შპს „ხობი დასუფთავება და განათებამ“ შეგროვებული ნაგავის ნაგავსაყრელზე გატანა მოახდინა.