ხობის მუნიციპალიტეტის პატარა ფოთის ადმინისტრაციულ ერთეულში გზის რეაბილიტაცია აქტიურად მიმდინარეობს. ინფრასტრუქტურული პროექტი, რეგიონებში განსახორციელებელი პროექტების ფონდისა და ადგილობრივი ბიუჯეტის თანადაფინანსებით ხორციელდება და მისი სახელშეკრულებო ღირებულება 1 მილიონ 118 ათას ლარს შეადგენს. გზა, რომელიც სოფელს სენაკი-ფოთი-სარფის საავტომობილო მაგისტრალთან აკავშირებს, წლების განმავლობაში ამორტიზირებული იყო და მოსახლეობას გადაადგილებისას პრობლემებს უქმნიდა.
3920 მეტრ მანძილზე დაიგება ცემენტ-ბეტონის საფარი
მოეწყობა ეზოებში შესასვლელები
მუშაობს 4 ერთეული მძიმე ტექნიკა
დასაქმებულია 25 მუშახელი
შესრულებულია სამუშაოს 90%
პროექტს შპს „პრაიმ ბეტონი“ ახორციელებს.
პარალელურად - ყულევის, პირველი მაისის, ჭალადიდის და საგვიჩიოს ადმინისტრაციულ ერთეულებში საგზაო ინფრასტრუქტურის კეთილმოწყობა მიმდინარეობს. ზემოთაღნიშნული გზების რეაბილიტაციაზე 11 მილიონ ლარამდე დაიხარჯება და ჯამურად, 27 კილომეტრ მანძილზე დაიგება ასფალტის (ბეტონის) საფარი.