ხობის მუნიციპალიტეტის ბიის ადმინისტრაციულ ერთეულში დამეწყრილი გზის სარეაბილიტაციო სამუშაოები მიმდინარეობს. პროექტის ფარგლებში აშენდება ხიდ-ბოგირი, მოეწყობა დამცავი კედელი და შეკეთდება გზა.
სამუშაო ადგილობრივი ბიუჯეტის დაფინანსებით (სოფლის მხარდაჭერის პროგრამის მეორე ეტაპი) ხორციელდება და მისი სახელშეკრულებო ღირებულება 27031.44 ლარს შეადგენს.
ინფრასტრუქტურულ პროექტს ელექტრონულ ტენდერში გამარჯვებული კომპანია შპს „აფო“ ახორციელებს.
ხობის მრავალფუნქციურ სპორტულ კომპლექსში მიმდინარე მასშტაბური სამშენებლო სამუშაოები ხობის მუნიციპალიტეტის გამგებელმა გოჩა ქაჯაიამ, გამგებლის პირველმა მოადგილემ ვარაზ გაბედავამ, გამგებლის მოადგილემ მახარე ჩოკორაიამ და საქართველოს მუნიციპალური განვითარების ფონდის წარმომადგენლებმა დაათვალიერეს.
გამგებლის განცხადებით: „სპორტული კომპლექსის მშენებლობის დასრულების შემდეგ მწვრთნელებსა და მოსწავლეებს თანამედროვე სტანდარტების შესაბამისი გარემო და სავარჯიშო პირობები ექნებათ“.
ხობის მრავალფუნქციური სპორტული კომპლექსის პროექტში გათვალისწინებულია: ჭიდაობის, კრივის, ბილიარდის, ჭადრაკის, მკლავჭიდის, კინოს და საკონფერენციო დარბაზების, საუნას, სამედიცინო ოთახების საერთაშორისო სტანდარტების შესაბამისად მოწყობა.
