ხობის მუნიციპალიტეტის შავღელეს ადმინისტრაციულ ერთეულში საჯარო სკოლის სრული რეაბილიტაცია მიმდინარეობს.
პროექტის სახელშეკრულებო ღირებულება 2 მილიონ 193 ათას ლარს შეადგენს.
სამუშაოზე დასაქმებულია ადგილობრივი მოსახლეობა.
სკოლის რეაბილიტაციის პროცესს ხობის მუნიციპალიტეტის მერი გოჩა ქაჯაია გაეცნო.
2019 წელს მერიამ საჯარო სკოლის სახურავის სრული რეაბილიტაცია განახორციელა.
პარალელურად, ქვემო ქვალონში 300 მოსწავლეზე გათვლილი სკოლა შენდება.
სამშენებლო სამუშაოების დასრულების შემდეგ შავღელეს სკოლაში სასწავლო პროცესი კომფორტულ და უსაფრთხო გარემოში წარიმართება.