ხობის მუნიციპალიტეტის მერიაში, სოფლის მეურნეობის განვითარების საერთაშორისო ფონდის (IFAD) წარმომადგენელი სამეგრელოს რეგიონში თინათინ დიდიშვილი, ხობის მუნიციპალიტეტის მერის პირველი მოადგილე ვარაზ გაბედავა, მოადგილე მახარე ჩოკორაია და სოფლისა და სოფლის მეურნეობის განვითარების სააგენტოს ხობის საინფორმაციო-საკონსულტაციო ცენტრის ხელმძღვანელი ანგულ მიქავა ადმინისტრაციულ ერთეულებში მერის წარმომადგენლებს შეხვდნენ და მათ ფერმერების დახმარების პროგრამა გააცნეს. შეხვედრაზე მუნიციპალიტეტში მეცხოველეობის სფეროში არსებულ მდგომარეობაზე და მერძევეობის დარგის მოდერნიზაციისა და ბაზარზე წვდომის პროგრამაზე ისაუბრეს. პროგრამის მიზანია სოფლად ეკონომიკის განვითარება და სიღარიბის შემცირება, კონკურენტუნარიანი, დივერსიფიცირებული მერძევეობის დარგის ჩამოყალიბების ხელშეწყობის გზით. პროგრამას, „სოფლის მეურნეობის განვითარების საერთაშორისო ფონდის“ დაფინანსებით ა(ა)იპ ,,სოფლისა და სოფლის მეურნეობის განვითარების სააგენტო” ახორციელებს.
facebook