საქართველოს შინაგან საქმეთა სამინისტრომ ბავშვთა ნაადრევი ქორწინების ხელშემწყობი ფაქტორების აღმოფხვრის მიზნით, საზოგადოების ცნობიერების ამაღლებისა და პოლიციისათვის დროული შეტყობინების საკითხებზე საინფორმაციო კამპანია დაიწყო სახელწოდებით - "ნუ წაართმევ ბავშვობას"
დღეს, ხობის მუნიციპალიტეტის საჯიჯაოს N1 საჯარო სკოლაში შინაგან საქმეთა სამინისტროს 18 დღიანი საინფორმაციო კამპანიის ფარგლებში შეხვედრა გაიმართა.
შეხვედრაზე ხობის მუნიციპალიტეტის მერიის გენდერულ თანასწორობაზე პასუხისმგებელმა პირმა თამუნა სიჭინავამ და შინაგან საქმეთა სამინისტროს ხობის რაიონული სამმართველოს თანამშრომელმა მიხეილ ხუნწარიამ, ნაადრევ ქორწინებაზე, მის უარყოფით მხარეებზე, ოჯახში ძალადობაზე, გენდერულ თანასწორობაზე ისაუბრეს და აღნიშნეს, რომ მთელი საქართველოს მასშტაბით ნაადრევი ქორწინება კვლავ ერთ-ერთ მნიშვნელოვან გამოწვევად რჩება.
ხობის მუნიციპალიტეტის სკოლის მოსწავლეებთან მსგავსი ტიპის შეხვედრები ქარიატაში, ქვალონში, ჭალადიდსა და პირველი მაისში იგეგმება.
Facebook