28 დეკემბერს გამართულ ხობის მუნიციპალიტეტის საკრებულოს სხდომაზე დამტკიცდა მუნიციპალიტეტის მთავარი ფინანსური დოკუმენტი: ხობის მუნიციპალიტეტის 2019 წლის ადგილობრივი ბიუჯეტი. ბიუჯეტის ძირითად პრიორიტეტს - სოციალური სფერო, ჯანდაცვა და სკოლამდელი განათლება წარმოადგენს. ბიუჯეტის შემოსავლები განისაზღვრა 8514,6 ათასი ლარით, აქედან: გადასახდელები 8514,6 ათასი ლარი, სახელმწიფო ბიუჯეტიდან გამოყოფილი ტრანსფერი 210,0 ათასი ლარი, მათ შორის: მიზნობრივი ტრანსფერი დელეგირებული უფლებამოსილებების განსახორციელებლად 210,0 ათასი ლარი; სარეზერვო ფონდი 90,0 ათასი ლარი. ხობის მუნიციპალიტეტის მერმა გოჩა ქაჯაიამ საკრებულოს წევრებს დამდეგი შობა-ახალი წელი მიულოცა და წარმატებები უსურვა მათ. მერმა 2018 წელს სხვადასხვა სფეროში მიღწეულ შედეგებზე, მაჩვენებლებზე და განსახორციელებელ პროექტებზე ისაუბრა. საკრებულოს 2018 წლის ბოლო სხდომა საქართველოს სახელმწიფო ჰიმნის მოსმენის შემდეგ დახურულად გამოცხადდა.