ხობის მუნიციპალიტეტის მერმა გოჩა ქაჯაიამ, მერიის სამსახურების უფროსებთან თათბირი გამართა. თათბირზე განიხილეს 2019 წლის ბიუჯეტის საპროგნოზო მაჩვენებლები, პრიორიტეტული მიმართულებები და დაგეგმილი და მიმდინარე ინფრასტრუქტურული პროექტები. ასევე, საუბარი შეეხო სოციალური და ჯანმრთელობის დაცვის მუნიციპალურ პროგრამებს. განსაკუთრებული ყურადღება დაეთმო დევნილი და მიუსაფარი ოჯახების განსახლების საკითხებს. თათბირს მერის მოადგილეები: ვარაზ გაბედავა და მახარე ჩოკორაია ესწრებოდნენ. მერმა სტრუქტურული ერთეულების ხელმძღვანელებს შესაბამისი დავალებები მისცა.