ხობის მუნიციპალიტეტის სკოლამდელი სააღმზრდელო გაერთიანების 14 საბავშვო ბაღი მარაგდება ცენტრალური წყალმომარაგებიდან, 3 ბაღი - წყაროს წყლით, 13 ბაღი კი - ჭის წყლით. იმის დასადგენად თუ რამდენად აკმაყოფილებს მოთხოვნებს საბავშვო ბაღებისთვის მიწოდებული სასმელი წყალი, დაიწყო წყლის ქიმიური და მიკრობიოლოგიური ანალიზი. სანიტარულ-ჰიგიენური წესების დასაცავად საბავშვო ბაღებისთვის შესყიდული იქნება დეზობარიერები. საერთო ჯამში, წყლის ანალიზის ჩატარების და დეზობარიერების შესყიდვისთვის სახელშეკრულებო თანხა შეადგენს 7395 ლარს. ხელშეკრულება გაფორმდა შპს ,,სადეზინფექციო ცენტრი ჰიგია +“-სთან.