22 აპრილს ხობის მუნიციპალიტეტის პირველი მაისის საბავშვო ბაღში, მშობელთა მოთხოვნით და კონტიგენტის ზრდის საფუძველზე, ადგილობრივი ბიუჯეტის სრული დაფინანსებით, ა(ა)იპ ხობის მუნიციპალიტეტის სკოლამდელი სააღმზრდელო გაერთიანების ხელმძღვანელმა ელისო კვიკვინიამ 29 აღსაზრდელზე მესამე, 4-5 წლიანთა ჯგუფი გახსნა. სააღმზრდელო ჯგუფის აღმზრდელია მასწავლებელი - დალი ქარცხია და აღმზრდელის თანაშემწე - ნანა ხითარიშვილი. მშობლებმა ჯგუფის დამატებისათვის ადგილობრივი თვითმმართველობის ხელმძღვანელობის მიმართ მადლიერება გამოთქვეს და ელისო კვიკვინიას განსაკუთრებული მადლობა გადაუხადეს.