12 აპრილს, 13:00 საათზე, ზუგდიდის მუნიციპალიტეტის გამგეობის შეხვედრების დარბაზში, „საერთაშორისო გამჭვირვალობა - საქართველომ“ მუნიციპალიტეტების ვებ-გვერდების გამჭვირვალობასთან დაკავშირებით მონიტორინგის შედეგების პრეზენტაცია გამართა.
„საერთაშორისო გამჭვირვალობა - საქართველოს“ ციფრულმა ანალიტიკოსმა დერეკ დოლერმა ადგილობრივი თვითმმართველობების წარმომადგენლებს, ადმინისტრაციული ორგანოების ვებ-გვერდების ეფექტურ მართვასთან დაკავშირებით, საერთაშორისო სტანდარტები და კონკრეტული რეკომენდაციები გააცნო.
ელექტრონული მმართველობა ერთ-ერთი მნიშვნელოვანი პრინციპია დემოკრატიული საზოგადოებისთვის, რაც თავისთავად ზრდის საჯარო დაწესებულებათა საქმიანობის გამჭვირვალობას და ხელს უწყობს მოქალაქეთა თანამონაწილეობას ადგილობრივი თვითმმართველობის ორგანოთა საქმიანობაში. მონიტორინგის მიხედვით ყველაზე გამჭვირვალე ადმინისტრაციულ ვებ-გვერდად დასახელდა ხობის მუნიციპალიტეტის გამგეობის და ხობისა და წალენჯიხის მუნიციპალიტეტების საკრებულოს ვებ-გვერდები.
