პოლონეთის საგარეო საქმეთა სამინისტროს „საერთაშორისო დახმარების 2012 წლის პროგრამის ფარგლებში“, ხობის მუნიციპალიტეტის ადგილობრივი ბიუჯეტის თანადაფინანსებით საჯიჯაოს საბავშვო ბაღსა და ხეთის N 1 საბავშვო ბაგა-ბაღში გაიხსნა ორი ეგრეთწოდებული „პოლონური ჯგუფი“.
მიმდინარე წლისთვის, ხობის მუნიციპალიტეტის სკოლამდელი სააღმზრდელო გაერთიანებაში შემავალ საჯიჯაოს საბავშვო ბაღში უმცროს 3-4 წლიანთა ჯგუფში 23 აღსაზრდელი ირიცხება, მათ შორის 7 სოციალურად დაუცველი და 2 მრავალშვილიანთა ოჯახიდანაა. აღმზრდელ მასწავლებლად ლამზირა პერტახია-ლომაია ხოლო აღმზრდელის თანაშემწედ ანა ზედელაშვილი დაინიშნენ.
ადგილობრივი ბიუჯეტის თანადაფინანსებით გახსნილმა „პოლონურმა ჯგუფმა“ ხეთის თემში 1 საბავშვო ბაგა-ბაღშიც განაახლა ფუნქციონირება.
ხობის მუნიციპალიტეტში არსებული რამოდენიმე საბავშვო ბაღი და მათ შორის ზემოთ ხსენიებული ბაღები მოინახულეს ხობის მუნიციპალიტეტის საკრებულოს თავმჯდომარემ მამუკა ქარდავამ, გამგებელმა კახაბერ ბენიძემ და ა(ა)იპ „ხობის მუნიციპალიტეტის სკოლამდელი საამღზრდელო გაერთიანების“ ხელმძღვანელმა ელისო კვიკვინიამ.