ხობის მუნიციპალიტეტის ტერიტორიაზე საგაზაფხულო სამუშაოები დაიწყო, რაც მიმდინარე ეტაპისთვის სასოფლო-სამეურნეო სავარგულების ხვნა-თესვის სამუშაოებს მოიცავს. სოფლის მეურნეობის მხარდაჭერისა და განვითარების პროგრამის ფარგლებში მიწის 8 356 მესაკუთრემ სახელმწიფო დახმარება მიიღო. გლეხებს და ფერმერებს სპეციალური ვაუჩერები გადაეცათ, რომელიც მიწის ფართობის მიხედვით ერთ ჰექტარზე 100-დან 640 ლარის ღირებულების ფარგლებში სასოფლო-სამეურნეო ტიპის დახმარებას ითვალისწინებს. ადგილობრივი მკვიდრების განცხადებით სოფლის მეურნეობის მხარდაჭერის პროგრამა მოსახლეობისთვის დროული დახმარებაა.
ამ ეტაპზე ხობის მუნიციპალიტეტში რიცხული ადგილობრივი ტრაქტორებიან 35 გასულია საყანე მიწების მოსახნავად, ხოლო დამხმარე 15-მდე ტრაქტორი შემოყვანილია აბაშის მუნიციპალიტეტიდან „შპს“ მექანიზატორის მიერ. სამუშაო ადგილებზე იმყოფებოდნენ ხობის მუნიციპალიტეტის საკრებულოს თავმჯდომარე მამუკა ქარდავა, გამგებელი კახაბერ ბენიძე, მოადგილეები მახარე ჩოკორაია და როსტომ კილასონია.