3 აპრილს, ქ. ხობის კულტურის სახლში პრემიერა გაიმართა რამაზ ლოლუას რეჟისორობით. თეატრის დასმა წარმოადგინა ლიტერატურული სპექტაკლი „მარტოობის რაინდი“ გალაკტიონ ტაბიძის ლექსების მიხედვით. მონაწილეობდნენ მარინა ჯღარკავა, მანანა შამათავა, ტარიელ ზურაბაშვილი და დამდგმელი რეჟისორი რამაზ ლოლუა. თეატრალურმა დასმა სცენაზე გააცოცხლა გალაკტიონ ტაბიძის უკვდავი ლექსები და მაყურებელს ერთი ლამაზი დღე აჩუქა. რეჟისორის სრულიად ახლებური ხედვა, გააზრება და ახალი სტილი განსაკუთრებულ ხიბლს სძენდა სპექტაკლს.
პრემიერაზე დამსწრეთა შორის იყვნენ ხობის მუნიციპალიტეტის საკრებულოს თავმჯდომარე მამუკა ქარდავა, გამგებელი კახაბერ ბენიძე და გამგებელის მოადგილე მახარე ჩოკორაია.